Պայմաններ և դրույթներ

Սույն Պայմաններն ու դրույթները (այսուհետ՝ «Պայմաններ և դրույթներ») կարգավորում են Ձեր մուտքը ԲԱՐԿՈԴ ԷՅԷՄ ՍՊԸ-ի (այսուհետ՝ «Haysell», «մենք», «մեզ» կամ «մեր») կողմից տրամադրվող ապրանքներին և ծառայություններին, ինչպես նաև դրանց օգտագործումը, ներառյալ՝

• Haysell ամպային հարթակը (haysell.com),
• Haysell POS հավելվածը,
• Haysell բջջային հավելվածը,
• Haysell տվյալների հավաքագրման տերմինալի հավելվածը,
• ցանկացած այլ ծրագրային ապահովում, կայք կամ ծառայություն, որտեղ հղում է կատարվում սույն Պայմաններին և դրույթներին:

Վերոնշյալը միասին այսուհետ կոչվում է «Ծառայություններ»։

Գրանցվելով Ծառայություններում, մուտք գործելով դրանց կամ օգտվելով դրանցից՝ Դուք (այսուհետ՝ «Օգտատեր», ինչպես նաև՝ «Դուք» կամ «Ձեր») համաձայնում եք պահպանել սույն Պայմաններն ու դրույթները։ Եթե համաձայն չեք սույն Պայմանների և դրույթների որևէ դրույթի հետ, ապա իրավունք չունեք մուտք գործելու Ծառայություններ կամ օգտվելու դրանցից։

Ծառայություն մատուցող՝ ԲԱՐԿՈԴ ԷՅԷՄ ՍՊԸ

Հասցե՝ ՀՀ, Երևան, Չարենցի փ. 113/1

Էլ. փոստ՝ [email protected]

Վաճառքի բաժին: +374 (95) 53-54-00

Սպասարկման բաժին: +374 (60) 53-54-00

Ծառայությունները նախատեսված են ինչպես իրավաբանական անձանց (այդ թվում՝ ձեռնարկությունների, ընկերությունների և կազմակերպությունների), այնպես էլ ֆիզիկական անձանց (այդ թվում՝ անհատ ձեռնարկատերերի և մասնավոր անձանց) կողմից օգտագործման համար, ինչպես նաև, համապատասխան դեպքերում, նրանց լիազորված անձանց համար։

Օգտվելով Ծառայություններից՝ Դուք հավաստում և երաշխավորում եք, որ՝

• լրացել է Ձեր 18 տարին,
• ունեք սույն Պայմաններն ու դրույթները կնքելու համար անհրաժեշտ իրավունակություն և գործունակություն,
• եթե Ծառայություններից օգտվում եք իրավաբանական անձի կամ այլ անձի անունից, ունեք համապատասխան անձին սույն Պայմաններով և դրույթներով պարտավորեցնելու համար անհրաժեշտ լիազորություն,
• Ծառայությունները կօգտագործեք օրինական նպատակներով և կիրառելի օրենսդրությանը համապատասխան:

Ծառայությունների մեծ մասից օգտվելու համար անհրաժեշտ է գրանցել հաշիվ և տրամադրել ճշգրիտ, արդիական և ամբողջական տեղեկություններ։ Դուք պատասխանատու եք՝

• Ձեր հաշվի մուտքային տվյալների գաղտնիության պահպանման համար, ներառյալ՝ մուտքանունները, գաղտնաբառերը, PIN կոդերը և API բանալիները,
• Ձեր հաշվի միջոցով իրականացվող բոլոր գործողությունների համար,
• ցանկացած չարտոնված մուտքի կամ անվտանգության հնարավոր խախտման մասին մեզ անհապաղ տեղեկացնելու համար:

Մենք իրավունք ունենք կասեցնելու կամ դադարեցնելու այն հաշիվների սպասարկումը, որոնց գրանցման ընթացքում տրամադրվել են կեղծ տվյալներ կամ որոնց օգտագործմամբ խախտվել են սույն Պայմաններն ու դրույթները։

5.1. Բաժանորդագրության մոդել

Ծառայությունները տրամադրվում են բաժանորդագրության հիման վրա։ Գինը և հասանելի գործառույթները կախված են Ձեր ընտրած բաժանորդագրության փաթեթից։ Գործող գներին կարող եք ծանոթանալ haysell.com կայքում կամ կապ հաստատելով մեզ հետ։

5.2. Վճարում

Բաժանորդագրության վճարները ենթակա են վճարման ամսական կամ գրավոր համաձայնեցված այլ պարբերականությամբ։ Դուք պարտավորվում եք վճարել բաժանորդագրության հետ կապված բոլոր վճարները՝ սահմանված կարգով։

5.3. Վճարման չկատարում

Եթե վճարումը չի ստացվում սահմանված ժամկետում, մենք իրավունք ունենք կասեցնելու Ծառայություններից օգտվելու Ձեր հնարավորությունը։ Կասեցման ժամանակահատվածում բաժանորդագրության համար նոր վճարային պարտավորություններ չեն առաջանա։ Դուք շարունակում եք պատասխանատվություն կրել մինչև կասեցումը նախորդող ժամանակահատվածների համար գոյացած և չվճարված գումարների վճարման համար։

Եթե կասեցումը շարունակվում է երկար ժամանակ, մենք իրավունք ունենք դադարեցնելու Ձեր հաշվի սպասարկումը՝ 13-րդ բաժնի դրույթներին համապատասխան։

5.4. Գումարի վերադարձ

Վճարված սպասարկման վճարը, որպես կանոն, վերադարձման ենթակա չէ, բացառությամբ այն դեպքերի, երբ վերադարձը պարտադիր է կիրառելի օրենսդրությամբ կամ ուղղակիորեն նախատեսված է սույն Պայմաններով և դրույթներով։

5.5. Գների փոփոխություն

Մենք իրավունք ունենք ժամանակ առ ժամանակ փոփոխելու բաժանորդագրության գները։ Գների փոփոխության մասին Դուք նախապես կտեղեկացվեք։ Գների փոփոխության ուժի մեջ մտնելուց հետո Ծառայություններից շարունակաբար օգտվելը համարվում է նոր փոփոխության ընդունում Ձեր կողմից։

Սույն Պայմանների և դրույթների պահպանման և կիրառելի վճարների վճարման պայմանով՝ Haysell-ը Ձեզ տրամադրում է սահմանափակ, ոչ բացառիկ, չփոխանցվող և չեղարկելի լիցենզիա՝ բաժանորդագրության գործողության ընթացքում Ծառայություններից օգտվելու և դրանք Ձեր ներքին բիզնես նպատակներով օգտագործելու համար։

Դուք պարտավորվում եք՝

• Ծառայությունները չօգտագործել անօրինական նպատակներով կամ Հայաստանի Հանրապետության կամ այլ կիրառելի օրենսդրության խախտմամբ,
• չմիջամտել Ծառայությունների կամ սերվերների աշխատանքին և չխաթարել դրանք,
• չփորձել առանց թույլտվության մուտք գործել Ծառայություններ, այլ օգտատերերի հաշիվներ կամ դրանց հետ կապված համակարգեր,
• Ծառայությունների միջոցով չփոխանցել վնասաբեր ծրագրեր, վիրուսներ կամ վնասակար կոդ,
• չհավաքագրել, չքաղել կամ այլ կերպ չարտահանել Ծառայություններից տվյալներ, բացառությամբ այն դեպքերի, երբ դա ուղղակիորեն թույլատրված է,
• առանց մեր գրավոր թույլտվության չվերավաճառել, ենթալիցենզավորել կամ չվերաբաշխել Ծառայությունները,
• Ծառայությունները չօգտագործել այնպիսի եղանակով, որը կարող է վնասել, անջատել, գերբեռնել կամ խաթարել մեր համակարգերը,
• չներկայանալ այլ անձի կամ կազմակերպության անունից և չխեղաթյուրել որևէ անձի կամ կազմակերպության հետ Ձեր կապի վերաբերյալ տեղեկությունները,
• չհեռացնել կամ չփոփոխել սեփականության իրավունքը հավաստող պիտակները կամ նշանները:

8.1. Մեր իրավունքները

Ծառայությունները, ներառյալ՝ ծրագրային ապահովումը, դիզայնը, տեքստերը, գրաֆիկական նյութերը, լոգոները, պատկերակները և այլ բովանդակությունը (բացառությամբ Օգտատիրոջ բովանդակության), պատկանում են Haysell-ին կամ դրա լիցենզատուներին և պաշտպանված են մտավոր սեփականության վերաբերյալ օրենսդրությամբ։ Սույն Պայմաններն ու դրույթները Ձեզ չեն փոխանցում նշված նյութերի նկատմամբ սեփականության որևէ իրավունք։

8.2. Օգտատիրոջ բովանդակություն

Դուք պահպանում եք Ծառայություններ մուտքագրած տվյալների նկատմամբ սեփականության իրավունքը, ներառյալ՝ ապրանքացանկերը, հաճախորդների տվյալները և գործարքների վերաբերյալ տեղեկությունները։ Ծառայություններից օգտվելով՝ Դուք մեզ տրամադրում եք սահմանափակ լիցենզիա՝ այդ տվյալները մշակելու, պահպանելու և փոխանցելու համար այնքանով, որքանով դա անհրաժեշտ է Ծառայությունները մատուցելու նպատակով։

8.3. Հետադարձ կապ

Եթե Ծառայությունների վերաբերյալ տրամադրեք կարծիքներ կամ առաջարկություններ, մենք իրավունք ունենք դրանք օգտագործելու առանց սահմանափակումների և առանց Ձեր նկատմամբ որևէ պարտավորություն ստանձնելու։

Ծառայությունները ներառում են երրորդ անձանց ծրագրային ապահովում և բաց կոդով բաղադրիչներ, որոնցից յուրաքանչյուրը կարգավորվում է իր լիցենզիայի պայմաններով։ Այդ բաղադրիչների և դրանց լիցենզիաների ցանկը հասանելի է համապատասխան հավելվածում կամ կարող է տրամադրվել հարցման հիման վրա։

Դուք իրավունք չունեք ապակոմպիլացնելու, ապամոնտաժելու կամ հակադարձ ինժեներիայի ենթարկելու Ծառայությունները, բացառությամբ այն չափով, որով նման գործողությունները թույլատրված են կիրառելի օրենսդրությամբ կամ Ծառայություններում ներառված բաց կոդով բաղադրիչների լիցենզիաներով, ներառյալ՝ առանց սահմանափակման, Qt շրջանակի նկատմամբ կիրառելի GNU Lesser General Public License լիցենզիան։

Մեր կողմից անձնական տվյալների հավաքագրման, օգտագործման և պաշտպանության կարգը սահմանված է Գաղտնիության քաղաքականությամբ, որը հասանելի է հետևյալ հասցեով՝ https://haysell.com/static/privacy-policy.php: Օգտվելով Ծառայություններից՝ Դուք հաստատում եք, որ ընդունում եք Գաղտնիության քաղաքականության պայմանները։

Դուք պատասխանատու եք ապահովելու համար, որ Ծառայություններից Ձեր օգտվելը համապատասխանի տվյալների պաշտպանության վերաբերյալ կիրառելի օրենսդրությանը, այդ թվում՝ ստանալու անհրաժեշտ համաձայնությունները այն հաճախորդներից կամ աշխատակիցներից, որոնց տվյալները մշակում եք Ծառայությունների միջոցով։

Մենք ձգտում ենք ապահովել Ծառայությունների մշտական հասանելիությունը, սակայն չենք երաշխավորում դրանց անընդհատ հասանելիությունը։ Ծառայությունները կարող են անհասանելի լինել հետևյալ պատճառներով՝

• պլանային տեխնիկական սպասարկում,
• տեխնիկական խնդիրներ կամ համակարգային խափանումներ,
• երրորդ անձանց ծառայությունների աշխատանքի խափանումներ,
• մեր ողջամիտ վերահսկողությունից դուրս գտնվող հանգամանքներ:

Մենք պատասխանատվություն չենք կրում Ծառայությունների անհասանելիության հետևանքով առաջացած որևէ կորստի կամ վնասի համար։

Մենք իրավունք ունենք ցանկացած պահի փոփոխելու, թարմացնելու, կասեցնելու կամ դադարեցնելու Ծառայությունների ցանկացած մասը՝ ծանուցմամբ կամ առանց դրա։ Ծառայություններից Ձեր օգտվելու վրա էական ազդեցություն ունեցող փոփոխությունների դեպքում մենք կտրամադրենք ողջամիտ ժամկետով նախնական ծանուցում։

13.1. Գործողության ժամկետ

Սույն Պայմաններն ու դրույթները գործում են այնքան ժամանակ, քանի դեռ Դուք օգտվում եք Ծառայություններից։

13.2. Դադարեցում Ձեր կողմից

Դուք կարող եք ցանկացած պահի դադարեցնել Ձեր հաշվի օգտագործումը։ Այն համակարգերում, որտեղ նման գործառույթն աջակցվում է, Դուք կարող եք ջնջել Ձեր հաշիվը անմիջապես հաշվի կարգավորումներից։ Այլընտրանքորեն՝ կարող եք դադարեցնել հաշվի օգտագործումը՝ կապ հաստատելով մեզ հետ։ Հաշվի օգտագործման դադարեցումը Ձեզ չի ազատում առկա չվճարված գումարները վճարելու պարտավորությունից։

13.3. Դադարեցում մեր կողմից

Մենք իրավունք ունենք անհապաղ կասեցնելու կամ դադարեցնելու Ծառայություններից օգտվելու Ձեր հնարավորությունը, եթե Դուք՝

• էականորեն խախտում եք սույն Պայմաններն ու դրույթները,
• սահմանված ժամկետում չեք վճարում համապատասխան վճարները,
• իրականացնում եք անօրինական կամ չարաշահող վարքագիծ,
• Haysell-ի համար ստեղծում եք ռիսկ կամ իրավական պատասխանատվության առաջացման վտանգ:

13.4. Դադարեցման հետևանքները

Պայմանների և դրույթների գործողության դադարեցման դեպքում՝

• դադարում է Ծառայություններից օգտվելու Ձեր լիցենզիայի գործողությունը,
• մենք կարող ենք ողջամիտ անցումային ժամկետից հետո ջնջել Ձեր հաշվի տվյալները՝ պահպանելով օրենքով սահմանված՝ որոշակի տվյալներ կամ գրառումներ պահպանելու պարտավորությունները,
• այն դրույթները, որոնք իրենց բնույթով պետք է շարունակեն գործել Պայմանների և դրույթների գործողության դադարեցումից հետո, ներառյալ՝ մտավոր սեփականության, պատասխանատվության սահմանափակման և վեճերի լուծման վերաբերյալ դրույթները, շարունակում են գործել:

ԾԱՌԱՅՈՒԹՅՈՒՆՆԵՐԸ ՏՐԱՄԱԴՐՎՈՒՄ ԵՆ «ԻՆՉՊԵՍ ԿԱՆ» ԵՎ «ԸՍՏ ՀԱՍԱՆԵԼԻՈՒԹՅԱՆ» ՍԿԶԲՈՒՆՔՈՎ՝ ԱՌԱՆՑ ՈՐԵՎԷ ԲԱՑԱՀԱՅՏ ԿԱՄ ԵՆԹԱԴՐՅԱԼ ԵՐԱՇԽԻՔԻ՝ ՕՐԵՆՔՈՎ ԹՈՒՅԼԱՏՐՎՈՂ ԱՌԱՎԵԼԱԳՈՒՅՆ ՉԱՓՈՎ։ ՄԵՆՔ ՉԵՆՔ ԵՐԱՇԽԱՎՈՐՈՒՄ, ՈՐ ԾԱՌԱՅՈՒԹՅՈՒՆՆԵՐԸ ԿԳՈՐԾԵՆ ԱՆԸՆԴՀԱՏ, ԱՌԱՆՑ ՍԽԱԼՆԵՐԻ ԿԱՄ ԱՌԱՆՑ ԱՆՎՏԱՆԳՈՒԹՅԱՆ ԽՈՑԵԼԻՈՒԹՅՈՒՆՆԵՐԻ։

ԴՈՒՔ ՊԱՏԱՍԽԱՆԱՏՈՒ ԵՔ ԾԱՌԱՅՈՒԹՅՈՒՆՆԵՐԻ ՄԻՋՈՑՈՎ ՍՏԱՑՎԱԾ ՑԱՆԿԱՑԱԾ ՏՎՅԱԼԻ, ՀԱՇՎԱՐԿԻ ԿԱՄ ՀԱՇՎԵՏՎՈՒԹՅԱՆ ՃՇԳՐՏՈՒԹՅՈՒՆԸ ՍՏՈՒԳԵԼՈՒ ՀԱՄԱՐ՝ ԴՐԱՆՔ ԲԻԶՆԵՍ, ԻՐԱՎԱԿԱՆ ԿԱՄ ՀԱՐԿԱՅԻՆ ՆՊԱՏԱԿՆԵՐՈՎ ՕԳՏԱԳՈՐԾԵԼՈՒՑ ԱՌԱՋ։

ՕՐԵՆՔՈՎ ԹՈՒՅԼԱՏՐՎՈՂ ԱՌԱՎԵԼԱԳՈՒՅՆ ՉԱՓՈՎ՝ HAYSELL-Ը ԵՎ ԴՐԱ ՓՈԽԿԱՊԱԿՑՎԱԾ ԱՆՁԻՆՔ ՊԱՏԱՍԽԱՆԱՏՈՒ ՉԵՆ ՈՐԵՎԷ ԱՆՈՒՂՂԱԿԻ, ՊԱՏԱՀԱԿԱՆ, ՀԱՏՈՒԿ, ՀԵՏԵՎԱՆՔԱՅԻՆ ԿԱՄ ՊԱՏԺԻՉ ՎՆԱՍՆԵՐԻ, ԻՆՉՊԵՍ ՆԱԵՎ ՇԱՀՈՒՅԹԻ, ԵԿԱՄՏԻ, ՏՎՅԱԼՆԵՐԻ ԿԱՄ ԲԻԶՆԵՍԻ ԿՈՐՍՏԻ ՀԱՄԱՐ, ՈՐՈՆՔ ԱՌԱՋԱՆՈՒՄ ԵՆ ԾԱՌԱՅՈՒԹՅՈՒՆՆԵՐԻՑ ՁԵՐ ՕԳՏՎԵԼՈՒ ՀԵՏԵՎԱՆՔՈՎ ԿԱՄ ԴՐԱ ՀԵՏ ԿԱՊՎԱԾ։

Սույն Պայմաններից և դրույթներից կամ Ծառայություններից բխող կամ դրանց հետ կապված ցանկացած պահանջի առնչությամբ մեր ընդհանուր պատասխանատվությունը չի գերազանցի այն գումարը, որը Դուք մեզ վճարել եք պահանջի հիմք հանդիսացած դեպքին նախորդող տասներկու (12) ամիսների ընթացքում։

Դուք համաձայնում եք փոխհատուցել Haysell-ին, դրա փոխկապակցված անձանց, ղեկավարներին, աշխատակիցներին և ներկայացուցիչներին և նրանց զերծ պահել պատասխանատվությունից ցանկացած պահանջի, վնասի, կորստի կամ ծախսի, այդ թվում՝ ողջամիտ իրավաբանական ծախսերի մասով, եթե դրանք առաջացել են՝

• Ծառայություններից Ձեր օգտվելու հետևանքով,
• սույն Պայմաններն ու դրույթները Ձեր կողմից խախտելու հետևանքով,
• որևէ օրենք կամ երրորդ անձի իրավունք խախտելու հետևանքով,
• Ծառայություններ մուտքագրած կամ դրանց միջոցով գեներացված տվյալների հետևանքով:

Կողմերից ոչ մեկը պատասխանատվություն չի կրում իր պարտավորությունների կատարման ձախողման կամ ուշացման համար, եթե դա պայմանավորված է իր ողջամիտ վերահսկողությունից դուրս գտնվող հանգամանքներով, ներառյալ՝ բնական աղետները, պատերազմը, քաղաքացիական անկարգությունները, պետական մարմինների գործողությունները, գործադուլները, աշխատանքային վեճերը, էլեկտրաէներգիայի կամ ինտերնետի անջատումները կամ երրորդ անձանց ծառայությունների աշխատանքի խափանումները։

Մենք կարող ենք ժամանակ առ ժամանակ թարմացնել սույն Պայմաններն ու դրույթները։ Էական փոփոխություններ կատարելու դեպքում մենք Ձեզ կտեղեկացնենք՝

• մեր կայքում թարմացված Պայմաններն ու դրույթները հրապարակելու միջոցով,
• համապատասխան դեպքերում՝ ծանուցում ուղարկելու միջոցով:

Փոփոխությունների ուժի մեջ մտնելուց հետո Ծառայություններից շարունակաբար օգտվելը համարվում է փոփոխված Պայմանների և դրույթների ընդունում Ձեր կողմից։

Սույն Պայմաններն ու դրույթները կարգավորվում և մեկնաբանվում են Հայաստանի Հանրապետության օրենսդրությանը համապատասխան՝ առանց իրավունքի բախման կանոնների կիրառման։

Սույն Պայմաններից և դրույթներից կամ Ծառայություններից բխող կամ դրանց հետ կապված ցանկացած վեճ նախ պետք է փորձել լուծել բարեխիղճ բանակցությունների միջոցով։ Եթե բանակցությունների միջոցով վեճը չի լուծվում, այն ենթակա է քննության Հայաստանի Հանրապետության իրավասու դատարաններում։

20.1. Ամբողջական համաձայնություն

Սույն Պայմաններն ու դրույթները, Գաղտնիության քաղաքականության և հղումով ուղղակիորեն ներառված այլ փաստաթղթերի հետ միասին, կազմում են Ձեր և Haysell-ի միջև Ծառայությունների վերաբերյալ ամբողջական համաձայնությունը։

20.2. Դրույթների առանձնացվելիություն

Եթե սույն Պայմանների և դրույթների որևէ դրույթ ճանաչվում է իրավաբանորեն անկատարելի, մնացած դրույթները շարունակում են գործել ամբողջ ծավալով։

20.3. Իրավունքից չհրաժարում

Մեր կողմից սույն Պայմանների և դրույթների որևէ դրույթը կիրառելու կամ դրա կատարումը պահանջելու բացթողումը չի համարվում այդ դրույթից հրաժարում։

20.4. Իրավունքների և պարտավորությունների փոխանցում

Դուք չեք կարող առանց մեր նախնական գրավոր համաձայնության փոխանցել կամ զիջել սույն Պայմաններով և դրույթներով նախատեսված Ձեր իրավունքները կամ պարտավորությունները։ Մենք կարող ենք փոխանցել սույն Պայմաններով և դրույթներով նախատեսված մեր իրավունքներն ու պարտավորությունները միաձուլման, ձեռքբերման կամ ակտիվների վաճառքի շրջանակում։